આ જગતમાં માથી મોટું કોઇ નથી. આજે આપણે એક એવી માતા વિશે વાત કરીશું જેને પોતાના લાડકવાયા દીકરાને બે વાર જન્મ આપ્યો. ચાલો અમે આપને આ રસપ્રદ વાત વિશે જણાવીએ. આ પ્રેરણાદાયક કિસ્સો છે રાજકોટ જિલ્લાના લોધિકાના રાવકી ગામનો. આ ગામમાં દિવાળીબેન પાનસુરિય 62 વર્ષના છે છતાં પણ ખેતીકામ કરે છે.
દિવાળી બેન એ 42 વર્ષ પહેલાં પોતાના દીકરા કલ્પેશને પોતાની કૂખે જન્મ આપ્યો ત્યારે અને બીજીવાર 3 વર્ષ પહેલાં તેમને પોતાની એક કિડની ડોનેટ કરીને.ત્રણેક વર્ષ પહેલાં કલ્પેશભાઈ પાનસુરિયા ખેતીકામ કરતા હતા ત્યારે અચાનક પેટમાં દર્દ ઉપડ્યો. તપાસ કરાવી તો બંને કિડની ફેલ હોવાનું આવ્યું. ચાર બહેનોનાં એકનાં એક ભાઈને કિડની દેવા પરિવારમાંથી કોઈ તૈયાર ન થતાં 62 વર્ષના માતા દિવાળીબેને વિના ખચકાયે એક કિડની આપી દીધી.
પુત્ર કલ્પેશ કહ્યું હતું કે, તેમણે મારો જીવ બચાવવા પોતે જીવ આપવા માટે પણ તૈયાર હોવાનું જણાવતા ડોક્ટરો પણ ચકિત થઈ ઉઠ્યા હતા. ત્યારબાદ ડોક્ટરો દ્વારા કિડની ટ્રાન્સપ્લાન્ટનું સફળ ઓપરેશન કરવામાં આવ્યું હતું.કલ્પેશ ચાર-ચાર બહેનોનો એકનો એક ભાઈ છે. પરિવાર લોધિકા તાલુકાનાં રાવકી ગામે ખેતી કરી ગુજરાન ચલાવે છે. આજે ઓપરેશન થયાને અઢી વર્ષ થઈ ચૂક્યા છે.
જોકે ઓપરેશન બાદ આજસુધી તેમની અને માતાની તબિયત બિલકુલ સ્વસ્થ છે. એટલું જ નહીં માતા-પુત્ર બંને અતિ મહેનતવાળું ગણાતું ખેતીનું કામ પણ કરે છે. કોઈપણ કામ કરવામાં બંનેને આજદિન સુધી કોઈ મુશ્કેલી પડી નથી. જોકે માતાએ આપેલા એક જન્મનું ઋણ ચૂકવવું મુશ્કેલ ગણાય છે, ત્યારે તેમને તો માતાએ બીજીવાર જીવન આપ્યું હોય આ માટે તેઓ સદાય તેમના આભારી રહેશે, તેવું પણ તેમણે કહ્યું હતું.
નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ગુજરાતી અખબાર વેબસાઇટ કે પેજ ની કોઈ પણ પ્રકારની જવાબદારી રહેશે નહિ. અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો.
